یا اللہ اسلام او ر پاکستان کو نقصان پہنچانے والے عناصرکو انجام تک پہنچاکر ایماندار لوگوں کو غلبہ عطا فرما۔ صوفی مسعود احمد صدیقی لاثانی سرکار

کرپشن میں ملوث لوگوں کا سخت سے سخت احتساب پاکستان کی سالمیت کیلئے ناگزیر ہے۔ صاحبزادہ پیر شبیر احمد صدیقی
پانامہ لیکس پر انکوائری کمیشن فوج کی سرپرستی میں قائم کیا جائے۔ مرکزی مجلس شورٰی تنظیم مشائخ عظام پاکستان 
فیصل آباد( )یا اللہ اسلام او ر پاکستان کو نقصان پہنچانے والے عناصرکوانجام تک پہنچا کر ایماندار لوگوں کو غلبہ عطا فرما۔ملکی معیشت کو نقصان پہنچانے والے اور اسکی جڑوں کو کھوکھلا کرنے والے کرپٹ اور شرپسند عناصر کے انجام کا وقت آن پہنچا ہے ۔ان خیالات کا اظہار امیر تنظیم مشائخ عظام پاکستان صوفی مسعود احمد صدیقی نے لاثانی سیکرٹریٹ پرتنظیم مشائخ کی مرکزی مجلس شورٰی کے اجلاس سے خطاب کرتے ہوئے کیا۔پانامہ لیکس کے حوالے سے شرکائے اجلاس نے امیر تنظیم کے خیالات کی بھرپور حمایت اور تائیدکی۔صاحبزادہ پیر شبیر احمد صدیقی نے کہا کہ کرپشن میں ملوث لوگوں کا سخت سے سخت احتساب پاکستان کی سا لمیت کیلئے نا گزیر ہو گیا ہے۔مرکزی مجلس شوریٰ نے متفقہ طوریہ فیصلہ کیا کہ پانامہ لیکس پر انکوائری کمیشن فوج کی سرپرستی میں قائم ہوناچاہیے تاکہ موثر نتائج حاصل ہوں اورکرپشن میں ملوث ذمہ دارعناصر کو ان کے انجام تک پہنچایا جا سکے ۔ اجلاس کے آخر میں ملک وقوم کی بہتری اور سا لمیت کیلئے خصوصی دعا بھی کی گئی۔