صاحبزادہ سید سعیدالحسن شاہ صوبائی وزیراوقاف و مذہبی امورحکومت پنجاب لاہور

 حال ہی میں صوبائی حکومت نے راقم کو بطور صوبائی وزیر کابینہ میں شامل کیا ہے ۔ میری خوشی قسمتی ہے کہ مجھے اوقاف و مذہبی امور کا محکمہ دیا گیا ہے تاکہ میں حسب استطاعت بزرگان دین کے مزارات کی بہتر طریقہ سے دیکھ بھال کے ساتھ ساتھ انہیں روحانیت کا مرکز بنانے کیلئے بھر پور جدوجہد کر سکوں ۔ 

ہمارا پیا را ملک جو کہ لاکھوں مسلمانوں کی جدو جہد اور عظیم قربانیوں کا ثمرہ ہے اس کا تحفظ ، ترقی اور بقاء ہم سب کی ذمہ داری ہے ۔ اس میں قطعاً کوئی شک نہیں کہ ہم یہ مقاصد حاصل نہیں کر سکتے جب تک ملک کے اندر امن و آشتی اور باہمی محبت کی فضاء قائم نہ ہو ۔ اولیاء کرام کی تعلیمات کا مرکز ی نقطہ اور محور صرف اور صرف یہی تھا کہ لوگوں کو اللہ تعالیٰ کے دین کی طرف حکمت اور بصیرت سے دعوت دی جائے یہی وجہ ہے کہ انہوں نے محبت سے ہی لاکھوں غیر مسلموں کو مشرف بہ اسلام کیا ۔ 

موجودہ حالات میں ہماری حکومت دہشت گردی کی روک تھام اور باہمی رواداری اور محبت کی فضاء کو قائم کرنے کیلئے پوری جدو جہد کر رہی ہے ہم سب کا بالعموم اور آپ کا بالخصوص قومی ، ملی اور مذہبی فریضہ ہے کہ اولیاء کرام کی تعلیمات کے امین اور وارث ہونے کی حیثیت سے اپنا موثر کردار ادا کریں ۔ 

محکمہ اوقاف میں اتحاد بین المسلمین سیکرٹریٹ قائم ہے جو کہ اتحاد امت ، باہمی رواداری اور امن و آشتی کیلئے کام کر رہا ہے مجھے امید ہے کہ آپ اس کار خیر میں محکمہ اوقاف کی بھر پور مدد فرمائیں گے اور اپنی مثبت تجاویز سے مستفید فرمائیں گے ۔ انشاء اللہ آپ سے جلد ملاقات کا بھی اہتمام کیا جا رہا ہے ۔ 

محکمہ آپ کے تعاون کا خواہاں اور مثبت تجاویز کا منتظر رہے گا ۔ شکریہ